Daily Np News, business, forex, sports news and events.

Latest Posts

Monday, August 22, 2016

पूजा गर्न हिमानी शाह दक्षिणकाली पुगिन्


काठमाडौं,६ भदौ । पूर्व युवराज्ञी हिमानी शाहले सोमबार अपरान्ह दक्षिणकाली मन्दिर पुगेर विशेष पूजा गरेकी छन् ।

विशेष पूजाका लागि दक्षिणकाली पुग्दा हिमानी परिवारका सदस्य विना नै दक्षिणकाली मन्दिर पुगेकी थिईन् ।

हिमानीले विशेष पूजा गर्ने क्रममा मन्दिरमा सर्वसाधारणलाई प्रवेश निषेध गरेको थियो ।


कतिपय समर्थकहरुले हिमानी शाह पूजाका लागि दक्षिणकाली पुगेको खबर सुनेपछि राष्ट्रिय झण्डाका साथ दक्षिणकाली पुगेका थिए

करिब आधा घण्टाको पूजा कार्यक्रमपछि  हिमानी फर्केकी थिइन ।

दृष्टिविहीन हिँड्ने बाटोमा निजी गाडीदेखि पुलिसका भ्यानसम्म

काठमाडौंको फुटपाथका मध्यभागमा पहेंलो टायल बिछ्याएको देख्नुभएको छ? अबश्य देख्नुभएको होला। देखे नि कतिलाई त किन बिछ्याइएको होला भनी थाहा नहुन सक्छ। कतिपयलाई त लाग्दो हो फुटपाथ आकर्षक बनाउन बिछ्याइएको हो कि?

पहेंलो टायल बिछ्याएको त दृष्टिविहीन हिँड्ने बाटो हो। जसलाई ब्रेल मार्ग भनिन्छ। स्पर्समार्ग पनि भनिन्छ।

काठमाडौंको मुख्य भागमा दृष्टिविहीनलाई आवतजावत गर्न सजिलो होस् भनी स्पर्समार्ग बन्दैछ। कति बनिसकेको छ।

दिगो सहरी यातायात आयोजनाले सुरु गरेको यो मार्ग बनाउन एसियाली बिकास बैंकको ६९ प्रतिशत र सरकारको ३२ प्रतिशत खर्चनेछ।


पाइलट प्रोजेक्टका रूपमा सुरु भएको यो योजनाका लागि १० करोड रुपैयाँ छुट्याइएको छ। र, प्रति किलोमिटर एक करोड खर्चेर करिब दस किलोमिटर स्पर्श बाटो बन्दै छ।

नारायणहिटी संग्रहालय वरिपरि, माइतीघरदेखि नयाँ बानेश्वर, कमलादी राइजिङ मलहुँदै सिंहदरबार, सहिदगेट, त्रिपुरेश्वर, जमलबाट निर्वाचन आयोगसम्म, त्यहाँबाट जमल क्षेत्रसम्म बनिसकेको छ।

तर, स्पर्समार्गलाई पनि भ्रष्टाचारले भने छाडेको छैन। स्पर्समार्ग बनाएको केही दिनमै बाटो ठाउँठाउँमा भत्केको छ। टायल ओछ्याइएको मिलेको छैन। धेरै ठाउँमा फुटेको छ।



सिमेन्ट र कंक्रिट मिसाएर बनाइएको टायल प्रयोग हुन्छ, स्पर्समार्गमा। १२ इन्च लम्बाइ र त्यति नै चौडाइको टायलमा चारवटा ‘स्ट्रिप’ हुन्छ। स्ट्रिप सडक सतहभन्दा अलि माथि हुन्छ। त्यसको बीचमा साना खोल्सा हुन्छन्। त्यही खोल्सामा सेतो छडीले छाम्दै दृष्टिविहीनहरु हिँड्छन्।

हिँड्दा दिशा बदलिने, जेब्राक्रस गर्ने ठाउँमा फरक किसिमको टायल राखिएको हुन्छ। सीधा रेखालाई छोइरहेको बेला गोलो ‘स्ट्रिप’ भएको टायल भेटिए ‘जेब्राक्रसिङ’, ‘बाटो सकियो’, ‘बस स्टप छ’ या ‘बाटो काट्ने ठाउँ छ’ भनी दृष्टिविहीनले थाहा पाउँछन्।

स्मर्समार्ग बन्नु सकारात्मक हो। दृष्टिविहीनलाई स्पर्समार्गमा हिँड्न सजिलो छ त? छैन।

अन्तर्राष्टिय दबाब थेग्नलाई मात्र बनाएजस्तो गरी बनाउँदा स्पर्समार्ग दृष्टिविहीनका लागि वरदान नभई दुर्घटनाका कारक बन्ने संभावना बढेको छ।



स्पर्स मार्ग कतै आकासे पुलमुनि बनाइएको छ त कतै बाटोमै बिजुलीको पोल उभिएका छन्। स्पर्शमार्ग पछ्याउँदै जाँदा झन असजिलो ठाउँमा गएर बाटो टुंगिएका छन्।

स्पर्समार्गमा हिँड्दा दृष्टिविहीन घरी पोलमा ठोक्किन्छन् त घरी सवारी साधनमा।

‘स्पर्शमार्ग बनाउनु सकारात्मक भएपनि त्यसलाई पछ्याउँदा अस्पताल पुग्ने सम्भावना धेरै छ,’ काठमाडौंको लाजिम्पाटस्थित स्पर्समार्गमा हिँडिरहेकी सरिता लामिछाने पोलमा ठोक्किएपछि भनिन्।

पुरानो बसपार्क नजिक बिद्युत् प्राधिकरण केन्द्रीय कार्यालयअगाडि स्पर्समार्गमा हिँडिरहेका रामबहादुर ऐर आकासे पुलमा ठोक्किए। धनगढीका ऐरले त टायल ओछ्याएकै नमिलेको बताए।

भक्तपुरकी इच्छा केसी बिजुलीबजारमा स्पर्समार्गमै पार्किङ गरिएका मोटरसाइकल र कार छिचोल्दै हिँड्दैथिइन्।
उनले भनिन्, ‘स्पर्समार्ग दृष्टिविहीनका लागि हो कि सवारी साधन पार्किङ गर्न?’

बिजुलीबजारस्थित स्पर्समार्ग नै ढाकेर सवारी साधान पार्किङ गरिएको थियो। उस्तै थियो, बबरमहलस्थित काठमाडौं जिल्ला अदालतगाडि।



बबरमहलको सडक बिभागअगाडि त स्पर्शमार्गमा प्रहरीकै गाडी पार्किङ गरिएको थियो। प्रहरी गफमा मस्त थिए।



‘राम्रो कामको सुरुवात् भएको छ। तपाईंहरु नराम्रो कुरा मात्र गर्नु हुन्छ? राम्रो कुरा पनि लेख्नुस्न,’ काठमाडौं महानगरपालिका आयोजना कार्यान्वयन इकाई प्रमुख सुरज शाक्यले भने।

उनले त बाटो सानो भएकाले नै स्पर्समार्गमा कतै बिजुलीको पोल त कतै आकासे पुलको भर्‍याङ परेको तर्क गरे।

काठमाडौं दिगो सहरी आयोजना प्रमुख दीपक श्रेष्ठले स्पर्शमार्गमा पार्किङ गरिएका सवारी साधन हटाउने जिम्मेवारी महानगरको भन्दै पन्छिए।

‘दोषी ठहर भए प्रचण्ड पनि जेल जान्छन्’


द्वन्द्वकालिन मुद्दा सार्न मिल्दैनः महान्यायाधिवक्ता

काठमाडौं, ६ साउन । महान्याधिवक्ता रमणकुमार श्रेष्ठले द्वन्द्वकालमा भएका गम्भीर अपराधका घटनामा संलग्न कसैले पनि उन्मुक्ति नपाउने बताएका छन् ।

द्वन्द्वकालिन घटनाको न्यायोचित सम्बोधनका लागि आफ्नो सहयोगी भूमिका हुने भन्दै श्रेष्ठले गम्भीर मानव अधिकार उलंघनका घटनामा कसैले पनि माफी नपाउने बताए ।

यसअघि सत्यनिरुपण तथा मेलमिलाप आयोगले पनि गम्भीर अपराधका घटनामा आममाफी दिन नसकिने कुरा प्रधानमन्त्री पुष्पकमल दाहालसमक्ष स्पष्ट पारिसकेको छ ।



सोमबार रेडियो कान्तिपुरको नियमित कार्यक्रम द हेडलाइर्नसमा पत्रकार दिनेश पाण्डेसँग कुरा गर्दै प्रधानमन्त्रीको कानुनी सल्लाहकार समेत रहेका श्रेष्ठले द्वन्द्वकालिन घटनामा दोषी ठहर भए प्रधानमन्त्री प्रचण्डलाई समेत कारवाही हुनसक्ने बताए ।

उनले भने- ‘भिन्न अन्तर्राष्ट्रिय सन्धी सम्झौताको नेपाल पक्ष राष्ट्र भएकाले गम्भिर अपराधमा कसैलाई पनि उन्मुक्ति दिन सकिदैन, यदी राज्य शक्तिको दुरुपयोग गरेर कसैलाई माफी दिने प्रयास भए अन्तर्राष्ट्रिय कानुनले छाड्दैन् ।’

पीडित भन्छन्, ‘म्यानपावर उल्टै धम्की दिन्छ’



साउदीको हायलस्थित अजेजियामा कष्टकर जीबन बिताइरहेका ४७ जना नेपाली कामदार ।
भाद्र ६, २०७३- साउदी अरबको हायलमा अलपत्र ४७ पीडित नेपाली कामदारले काठमाडौंस्थित जेबिआर म्यानपावर कम्पनीलाई कारबाही गर्न अपिल गरेको छ ।

साउदीमा काम र तलब नपाएर कष्टकर जीवन बिताइरहेका उनीहरुले आफूहरुलाई उद्धार गर्नुको सट्टा म्यानपावरले उल्टो धम्की दिई मानसिक तनाव दिइरहेको भन्दै कारबाही गर्न बैदेशिक रोजगार विभागलाई आग्रह गरेको हो ।

‘हामी अहिले कस्तो हालतमा बसिरहेका छौं भन्ने म्यानपावरलाई राम्रोसँग थाहा छ । कम्पनी आफैंले काम पनि दिएको छैन् । तलब पनि दिएको छैन्’, हायलबाट सम्पर्कमा आएका लक्ष्मणलाल तामाङले कान्तिपुरलाई भने, ‘म्यानपावरका निर्देशक दीपक घिमिरे खाली काम गर्न जाऊ  । नत्र तिमीहरुलाई माथि मुद्दा हालिदिन्छु भनेर धम्की दिइरहेको छ ।’


पीडित कामदारलाई म्यानपावरले सरकारले तोकेको शुल्क तोडेर एक लाख २० हजार रुपैयाँसम्म असुल गरेर गत अप्रिलको पहिलो साता साउदीको सनत इन्टरनेसनल कम्पनीमा सामान्य कामदारको रुपमा पठाएको थियो । सनतले कामदारलाई आरम्को कम्पनीमा सप्लाई गरेको थियो । आरम्कोले परिचय पत्र बनाएर (साउदीमा बस्ने आवासीय अनुमति) निर्माणस्थलमा पठाउन पटक पटक आग्रह गरेको थियो । सनतले कामदारको भिसा लगाउन नसकेपछि आरम्कोले कार्यस्थलबाट बाहिर निकालिदिएको थियो । ‘हामीले झन्डै साँढे दुई महिना काम गरेका थियो । त्यसको पनि तलब पाएको छैन्,' उनले भने ।

पीडित कामदारहरु आफुहरु स्वदेश फिर्न चाहेको भन्दा कम्पनीले साउदीबाट निस्कन ३ देखि १० हजार रियाल दिनुपर्ने अडान राखेको छ । पीडित कामदारलाई हायलको  अजेजिया भन्ने ठाँउमा राखेको छ ।

उनीहरु उद्धारको लागि साउदीको श्रम बिभागमा पुगेका छन् । विभागले मुद्दा प्रक्रियालाई छिनोफानो गर्न समय लगाएको उनीहरुले बताए । त्यस कम्पनीमा नेपाली बाहेक २०० सय जना भारतीय कामदार समेत अलपत्र परेको छ ।

पीडित कामदारको समस्या सुल्झाउन रियादस्थित नेपाली दुताबासले स्थानीय प्रतिनिधि खटाएर काम गरिरहेको जनाएको छ ।

मन्त्री सिफारिश गर्न भारतमा रहेका उपप्रम निधिलाई कुर्दै देउवा, को-को बन्दैछन् मन्त्री?



काठमाडौँ :  सत्ता साझेदार नेपाली कांग्रेसका तर्फबाट सरकारमा जाने मन्त्रीहरुको टुङ्गो बुधबारमात्रै लाग्ने भएको छ। कांग्रेस सभापति शेरबहादुर देउवाका प्रमुख विश्वास पात्र विमलेन्द्र निधि प्रधानमन्त्रीको विशेष दूतका रुपमा भारत भ्रमणमा रहेका कारण उनी फर्किएपछि मात्र देउवाले मन्त्री सिफारिस गर्न लागेका हुन्। 

कांग्रेसका तर्फबाट सरकारको नेतृत्व गरिरहेको र यो सरकारको डिजाइन तयार पार्नेदेखि वार्ता गर्नेसम्मका सबै काममा नेतृत्वदायी भूमिका निर्वाह गरेका कारण उनलाई नै राखेर मात्र सभापति देउवाले निर्णय गर्न लागेका हुन्।

भारत भ्रमणमा रहेका निधि राजनीतिक भेटवार्ता लम्बिएका कारण मंगलबार मात्र स्वदेश फर्कन लागेका छन्। त्यही कारण आज नै हुने भनिएको मन्त्री सिफारिस पनि दुई दिन पछि सरेको हो।

कांग्रेसको तर्फबाट थप हुने मन्त्रीहरुले आगामी आठ गते मात्र सपथ लिनुहुन्छ' देउवाका सहयोगी समेत रहेका भतिजा भानु देउवाले भने, 'त्यसअघि सपथको कुनै ‌भावना छैन।' उनले नहुने कारणबारे केही बताएनन्। 

कांग्रेसमा मन्त्री बन्ने आकांक्षीहरु धेरै भए पनि अझैसम्म टुंगो लागिसकेको छैन। कांग्रेसभित्रका विभिन्न शक्ति समूहबाट मन्त्री बनाउनुपर्ने भए पनि स्वयं देउवा पक्षबाट मन्त्री बन्नेहरु र उनीहरुले पाउने मन्त्रालयका विषयमा समेत निर्णय हुन सकेको छैन। 

देउवाका तर्फबाट मन्त्री बन्ने भनिएका अर्जुननरसिंह केसीले मन्त्रालयकै विषयमा असहमति राखेर अघिल्ले पटक मन्त्रीको सपथ खाएनन्। गृह वा उपप्रधानसहितका जुन कुनै मन्त्रालय दिन देउवासँग माग गरेका केसीले त्यस्तो नभएपछि सपथ खाएनन्। 

अहिले केसीले शिक्षा मन्त्रालय लिन सहमति जनाएका छन्। 'शेरबहादुरजीसँग केही दिन अघि कुराकानी भएको थियो र बाँकी रहेका मन्त्रालयमा शिक्षा ठीकै हुन्छ भन्ने कुरा भएको छ'  केसीले भने, 'तर त्यसपछि उहाँले के सोच्नु वा निर्णय गर्नुभएको छ भन्नेबारे मलाई कुनै जानकारी छैन।' देउवाका तर्फबाट उनलाई त्यही मन्त्रालय पाउने 'कन्फरमेसन' आएको छैन।



यसअघि माओवादी केन्द्रले धनिराम पौडेललाई शिक्षा मन्त्री र धनमाया विकलाई शिक्षा राज्यमन्त्रीको शपथ ग्रहण गराउन लाग्दा कांग्रेसले सो मन्त्रालयमा दावी गरेपछि बिना विभागीय मन्त्रीका रुपमा शपथ गराइएको थियो। पौडेल र विकलाई हालसम्म पनि मन्त्रालय तोकिएको छैन। 

देउवा पक्षकै नेता बालकृष्ण खाँड रक्षामन्त्री बन्ने चर्चा चलाइएको छ। तर स्वयं खाँडले भने पर्यटन तथा नागरिक उड्डयन मन्त्रालय दावी गरेका छन्। 'अहिलेसम्म को-को मन्त्री बन्ने भन्ने नै टुंगो लागेको छैन' खाँडले भने, 'तर मैले इच्छा गरेको मन्त्रालय पर्यटन नै हो।' उनले सभापतिसँग त्यसरी को कुन मन्त्री बन्ने भनेर छलफल नभएको बताए। 

खाँडले पर्यटन मन्त्रालय दावी गरे पनि परराष्ट्र मन्त्रालय दावी गरेका डाक्टर प्रकाशशरण महतलाई देउवाले नै पर्यटन तथा नागरिक उड्डयन मन्त्रालय र सिंचाइ मन्त्रालय मध्ये छानेर लिन भनेका  छन्। नेपाल विद्यार्थी संघको महाधिवेशन विवाद मिलाउने नाममा नेतृत्व लिएका महतलाई नेतृत्व आफंनो पक्षमा पार्न सफल भएको पुरस्कारका लागि देउवाले उनलाई मन्त्रालय रोज्ने अधिकार दिएका हुन्।
 
उता नेविसंघ महाधिवेशनपछि रामचन्द्र पौडेल पक्षमा शंकाको घेरामा परेका डाक्टर शेखर कोइराला देउवाकै तर्फबाट भए पनि परराष्ट्र मन्त्रालय पाउने अवस्थामा छन्। नेपाल विद्यार्थी संघको महाधिवेशनमा पौडेल समूहका उम्मेद्वारलाई सहयोग गर्नको साटो आफ्नै उम्मेद्वार उठाएका कारण नेतृत्व देउवा पक्षमा गएका कारण उनी पौडेल समूहबाट टाढा तर देउवाको नजिक भएका छन्। 

उता शेरबहादुर देउवाले कृष्ण सिटौलालाई एक मन्त्री सिफारिस गर्न भनेका छन्। सिटौलाले दुई मन्त्री पाउनुपर्ने भने पनि देउवाले दुई दिन नसक्ने बताएकाले उनको सिफारिसमा गगन थापा, भिमसेनदास प्रधान र सुधिर सिवाकोटी मध्ये एकलाई मन्त्री बनाउने तयारी भएको छ। 

देउवाले रामचन्द्र पौडेललाई पनि आफ्नो समूहबाट मन्त्री सिफारिस गर्न भनिसकेका छन्। तर पौडेलले आफूले पाँच मन्त्रालय पाउनु पर्ने र शक्तिका मन्त्रालय विकास निर्माणका मन्त्रालय र जनसम्पर्कका मन्त्रालयहरु मिलाएर दिने भए मात्र मन्त्री लिने धम्की समेत दिइसकेका छन्। उनले मन्त्री सिफारिस गरेपछि अरुले छोडेका मन्त्रालय मात्र लिने अवस्थामा आफ्ना तर्फबाट मन्त्री सिफारिस नै नगर्ने उनले देउवालाई बताएका छन्। 
उनको पक्षबाट मन्त्री बन्ने आकांक्षी मध्ये डाक्टर शेखर कोइराला र दिपक गिरीको नाम मात्र चर्चामा रहेपनि नेविसंघ अधिवेशनका कारण शेरख कोइरालाई पौडेल समूहको विश्वास घटाएको छ। त्यो समूहले छलफल गरेर कसैको नाम प्रस्ताव गरेको छैन। त्यसैले अबका दुई दिन कांग्रेसमा शक्ति संघर्ष हुने अवस्था छ।

पूर्व बडामहारानीको निवासमा विजुली काटिएपछि दीपकको ब्यङ्ग्य




पूर्व बडामहारानी अर्थात पूर्व राजाकी आमा रत्न बस्ने नारायणहिटी दरबारस्थित महेन्द्र मञ्जिलको विद्युत काटिएपछि त्यसको पक्ष र विपक्षमा सामाजिक सञ्जालमा बहस शुरु भएको छ ।

काठमाडौंमा पेट्रोल रोक्ने प्रचण्डकै मान्छे- यस्तो रहेत वास्तविकता

कतिपयले उर्जामन्त्रीको ठाडो निर्देशनमा भएको यो कदमको प्रशंसा गरेका छन् भने कतिपयले इतिहासको अपमान गरेको भन्दै आलोचना पनि गरेका छन् ।



नेपाली सिने क्षेत्रका चर्चित हास्य कलाकार दीपकराज गिरीले भने यसलाई मजाक बनाएका छन् । उनले सामाजिक सञ्जालमार्फत मन्त्रीको निर्णयको मजाक बनाएका हुन् ।

दीपकले ट्वीटरमा लेखेका छन्, “पूर्ब रानि रत्नको घरको बिजूलिको लाइन एक्कासि काटियो मन्त्रिलाइ सोधियो किन ? उनले भने हिरा रत्न जस्ता कूरा आफै चम्किन्छ किन चाहियो बिजूलि?”।


उर्जामन्त्री जनार्दन शर्माको निर्देशनमा नेपाल विद्युत प्राधिकरणले आइतबार रत्न बस्दै आएको नारायणहिटी दरबार संग्राहलायस्थित महेन्द्र मञ्जिलको विद्युत आपुर्ति बन्द गरेको थियो।


लामो समयदेखि महसुल नतिर्ने ठूला ग्राहको लाइन काट्ने अभियान अन्तर्गत प्राधिकरणले महेन्द्र मञ्जिलको लाइन काटेको हो । महेन्द्र मञ्जिलले झण्डै ३७ लाख रुपैयाँ महसुल तिर्न बाँकी रहेको प्राधिकरणले जनाएको छ ।

मन्त्री जर्नादन शर्माकै अस्पतालमा ९८ लाख विद्युत महशुल भुक्तानी हुन बाँकी



ऊर्जामन्त्री जनार्दन शर्माले लामो समयसम्म विद्युत महशुल ततिर्ने उपभोक्ताको विद्युत लाइन काट्न निर्देशन दिए । यस्को केही दिन नबित्दै नारायणहिटी दरवारको विजुलीको लाइन काटियो । महेन्द्र मञ्जिलमा पूर्व वडामहारानी रत्ना शाहले अध्यारोमा आफ्नो जन्मदिन मनाइन ।

ऊर्जामन्त्री भएलगत्तै विद्युत महशुल नतिर्ने संस्था÷व्यक्तिको विद्युत लाइन काट्न निर्देशन दिएका मन्त्री शर्मा आफैं संलग्न जनमैत्री अस्पतालले भने प्राधिकरणलाई ९७ लाख ४२ हजार रुपैयाँ महशुल बुझाउन बाँकी रहेको तथ्य फेला परेकोछ । प्राधिकरणले पटक–पटक ताकेता गर्दा पनि अस्पतालले महशुल नतिरेपछि गत वैशाखमा विद्युत लाइन काटिएको थियो । विद्युत लाइन काटिएपछि घाटामा रहेको अस्पताल बन्द गरिएको छ । साउन ९ गतेदेखि अस्पतालले उपचार सेवा समेत प्रवाहित भएको छ ।



महेन्द्र मञ्जिलको १२ लाख भुक्तानी नहुँदा विद्युत लाइन काटिएको छ । तर मन्त्री आफ्नै लगनाी रहेको जनमैत्री अस्पतालको ९८ लाख विद्युत महशुल भुक्तानी हुन बाँकी रहँदा समेत उक्त रकम तिर्नैतर्फ चासो देखाइएको छैन ।
केही समय माओवादी पार्टीकै हस्पिटल रहेको अस्पताल सञ्चालनमा मन्त्री शर्माको पनि प्रत्यक्ष संलग्नता थियो । युद्धमा घाइते भएकाहरुको उपचारका लागि भन्दै पार्टीकै संरक्षणमा अस्पताल खोलिएको थियो तत्कालिन अवस्थामा मन्त्री शर्माका पाँच जना आफन्त र माओवादी कार्यकर्ताको नाममा ट्रष्टको रूपमा सञ्चालन गरिको थियो थियो अस्पताल ।

तत्कालिन जनमुक्ति सेना नेपालको रकमलाई हस्पिटल सञ्चालनको आधार बनाइएको थियो । हस्पिटल बन्द भएपछि पूर्व जनमुक्ति सेना नेपालले विज्ञप्ति जारी गरी ‘हिसाबकिताब खोज्ने’ बताइसकेको छ । निरन्तर घाटामा रहेको अस्पताललाई पुनर्जीवन दिन सरकारले पनि बेला–बेला आर्थिक सहयोग गर्दै आएको थियो ।
तत्कालीन अर्थमन्त्री बाबुराम भट्टराईले आर्थिक वर्ष २०६५/६६ मा रु १ करोड उक्त अस्पताललाई दिएका थिए। सरकारबाट हटेकै दिन २०६६ वैशाख २१ मा माओवादी अध्यक्ष पुष्पकमल दाहाल नेतृत्वको मन्त्रिपरिषद् बैठकले उक्त रकम दिने निर्णय गरेको थियो। पार्टीको संलग्नता रहँदा उपचारका लागि बिरामी नआएको ठहर गर्दै पछि निजी क्षेत्रलाई हस्तारन्तरण गरिएको पनि बताइएको थियो । तरपनि अस्पतालमा बिरामीको सँख्या बढेन र नाफा कमाउन सकेन ।

विद्युत प्राधिकरणको वार्षिकोत्सव कार्यक्रममा वार्षिकोत्सवमा बोल्दै उनले बक्यौता धेरै पुगेका १० उपभोक्ताको लाइन तीन दिनभित्र काट्न निर्देशन दिएका छन् । मन्त्रीलाई नटेर्ने कर्मचारीलाई घुमाउरो पारामा धम्कीको शैलीमा उनले भनेका थिए ‘जनयुद्धमा ३५ हजार सेनाको कमाण्ड गरेर आएको मान्छे हुँ । ११ हजार कर्मचारी सम्हाल्न गाह्रो छैन ।’

Daily Khabar

Blog Archive